foto1 foto2 foto3 foto4 foto5


Baner text 1

Baner text 2

Baner text 3

Baner text 4

Baner text 5

Get Adobe Flash player

20 июнь куни Олий Мажлис Қонунчилик палатасининг навбатдаги мажлисида депутатлар мамлакатни ривожлантиришнинг бугунги босқичида муҳим аҳамиятга эга бўлган ва амалга оширилаётган ижтимоий ва иқтисодий ислоҳотларни жаддалаштиришга қаратилган бир қатор қонун лойиҳаларини кўриб чиқдилар.

Кун тартибидан ўндан ортиқ масала ўрин олди.  Уларнинг ҳар бири аввалроқ сиёсий партиялар фракциялари ва Ўзбекистон Экологик ҳаракати депутатлар гуруҳининг йиғилишларида вазирликлар ва идорлар, фуқаролик жамияти институти вакилларининг иштирокида қизғин муҳокама қилинган эди.

Депутатлар ўз ишларини Ўзбекистон Республикасининг Фуқаролик кодексига қўшимчалар киритишни назарда тутувчи қонун лойиҳасини иккинчи ўқишда кўриб чиқишдан бошладилар. 

Киритилаётган қўшимчаларга кўра, автомобиллар ва мототранспорт воситаларини ижарага бериш ҳуқуқи мазкур соҳада хизмат кўрсатадиган юридик шахсларга берилиб, улар енгил автомобиллар ва мототранспорт воситаларини  ўттиз  кунгача бўлган муддатга ижарага бериш шартномасини оддий ёзма шаклда тузишлари мумкинлиги белгиланмоқда.     

Депутатлар фикрига кўра, мазкур қонуннинг қабул қилиниши мамлакатнинг туристик салоҳияти ва туризм соҳаси ривожланишига хизмат қилади.

Сўнги йилларда олиб борилаётган туб ислоҳотлар таълим тизимида ҳам ижобий ўзгаришларга олиб келмоқда. Кун тартибига киритилган навбатдаги қонун лойиҳаси таълим соҳасидаги ислоҳотларининг қонуний асосларини яратаётгани билан муҳим аҳамият касб этади. Хусусан, унда таълим тизимидаги янги йўналишлар қонун билан мустаҳкамланмоқда.

Мазкур қонун лойиҳаси умумий ўрта ва ўрта махсус таълимда 11 йиллик тизимининг мажбурийлиги, касб-ҳунар таълимининг 11 йиллик базадан сўнг ихтиёрий равишда амалга оширилиши, нодавлат таълим хизматлари кўрсатиш соҳасида фаолият кўрсатаётган юридик шахслар учун қулай шарт-шароитлар яратиш, давлат-хусусий шериклик асосида ташкил этилаётган таълим муассасалари тармоғини кенгайтириш, мазкур фаолиятни тартибга солувчи норматив-ҳуқуқий ҳужжатларни такомиллаштириш ҳамда нодавлат таълим хизматлари кўрсатиш соҳасидаги фаолиятни лицензиялаш тартибини соддалаштиришни назарда тутади.

Депутатларнинг қайд этишича, қонуннинг қабул қилиниши таълимдаги янгиланишларни ҳуқуқий жиҳатдан мустаҳкамлаб, соҳанинг янада такомиллашувига имкон беради.    

Сўнгра депутатлар янги таҳрирдаги «Ўсимликлар карантини тўғрисида»ги қонун лойиҳасини иккинчи ўқишдамоддама-модда муҳокама қилдилар. Қонун лойиҳасини иккинчи ўқишга тайёрлаш жараёнида Президентимизнинг соҳани такомиллаштиришга доир фармон ва қарорларидаги ғояларни сингдиришга жиддий эътибор қаратилди.

Шунингдек, масъул қўмита томонидан мазкур лойиҳа юзасидан ҳудудларда соҳа мутахассислари, тадбиркорлар, деҳқон ва фермер хўжаликлари вакиллари билан давра суҳбатлари ва учрашувлар ўтказилди ва улардан 100 дан ортиқ таклифлар олинди.

Депутатлар қайд этганларидек, ушбу қонуннинг  қабул қилиниши ўсимликлар карантини соҳасидаги муносабатларни тартибга солиш механизмини такомиллаштириш, карантин хизмати фаолиятига замонавий технологиялар ва иш услубларини жорий этишга хизмат қилади. Бундан ташқари, халқаро савдо алоқаларини ривожлантиришда ўсимликлар ва ўсимлик маҳсулотлари билан савдо алоқаларини йўлга қўйишда фитосанитар хавфсизликни таъминлаш, импорт ва экспорт билан шуғулланадиган тадбиркорлик субъектлари амал қилиши керак бўлган зарарли ўсимлик касалликлари, ҳашоратлар ва бегона ўтлар кириб келишининг олдини олиш бўйича аниқ чора-тадбирлар ва нормаларни жорий қилиш имконини беради.    

Мажлисда шунингдек, “Миллий тикланиш” демократик партияси фракцияси ташаббуси билан бир гуруҳ депутатлар томонидан қуйи палата муҳокамасига киритилган  «Жамоат жойларида чилим ва электрон сигареталарни чекишни чеклаш тўғрисида»ги қонун лойиҳаси иккинчи ўқишда  кўриб чиқилди.

Таъкидланганидек, мазкур қонун лойиҳаси фуқароларнинг соғлиғини чилимлар ва электрон сигареталарнинг зарарли таъсиридан, у билан боғлиқ ижтимоий ва бошқа салбий оқибатлардан муҳофаза қилишга, хусусан ёшлар ўртасида соғлом турмуш тарзини қарор топтиришга, шунингдек бутун дунёда бўлгани каби мамлакатимиз жамоатчилиги ўртасида ҳам кашандаликка қарши кураш муҳитини шакллантириш ҳамда қарор топтиришнинг ташкилий ва ҳуқуқий шароитларини яратишга қаратилган.

Мунозаралар давомида сиёсий партиялар фракциялари вакиллари томонидан қонун лойиҳасининг қабул қилиниши жамоат жойларида чилим ва электрон сигареталар чекиш кенг тарқалишининг, чилим ва электрон сигареталарни чекилиши натижасида келиб чиқадиган касалликларнинг, шунингдек гуруҳ бўлиб чекиш оқибатида юқиш хавфи бўлган юқумли касалликлар тарқалишининг олдини олишга хизмат қилиши қайд этиб ўтилди.

Депутатлар шунингдек, “Ўзбекистон Республикаси геология соҳаси ходимлари кунини белгилаш тўғрисида”ги Қонунни ҳам қабул қилдилар.

Мажлис давомида парламент Қонунчилик палатасининг ваколатларига таалуқли бошқа масалалар ҳам кўриб чиқилди.

 

Ўзбекистон Республикаси Олий Мажлиси

Қонунчилик палатаси Ахборот хизмати 

Манбаъ: http://parliament.gov.uz

logo_uz