foto1 foto2 foto3 foto4 foto5


Baner text 1

Baner text 2

Baner text 3

Baner text 4

Baner text 5

Get Adobe Flash player

Орол денгизи минтақасидаги экологик инқироз миллионлаб кишилар соғлиғи ва атроф муҳитга сезиларли даражада зарар етказган дунёдаги энг йирик антропоген ҳалокатлардан бири ҳисобланади. Бундай йирик кўламдаги муаммо ушбу экологик ҳалокатнинг салбий оқибатларини камайтириш учун халқаро ҳамкорликни янада ривожлантириш, Орол денгизи минтақасидаги экологияни ва ижтимоий-иқтисодий вазиятни яхшилашга қаратилган интилишларга жаҳон ҳамжамиятини ҳам сафарбар этишни талаб қилади.

O‘zLiDeP Матбуот хизмати билдиришича, яқинда Президентимиз Ислом Каримовнинг ташаббуси билан Урганч шаҳрида “Орол денгизи минтақасидаги экологик офат оқибатларини юмшатиш бўйича ҳамкорликни ривожлантириш” мавзусида халқаро конференция бўлиб ўтди.

Оролбўйи ҳудуди ижтимоий ҳаётида муҳим воқеа бўлган мазкур халқаро конференция, ҳамкорликнинг янги йўналишларини белгилаш ва минтақадаги мавжуд экологик муаммоларни ҳал этишда барча манфаатдор томонлар саъй-ҳаракатларини мувофиқлаштириш имконини беради.

Давлатимиз раҳбари ташаббуси билан 28-29 октябрь кунлари Урганч шаҳрида “Орол денгизи минтақасидаги экологик офат оқибатларини юмшатиш бўйича ҳамкорликни ривожлантириш” мавзуидаги халқаро конференция юқори савияда ўтказилди.

Буни унда иштирок этган БМТ, ШҲТ, Марказий Осиё учун превентив дипломатия бўйича минтақавий марказ, Ер ости сув ресурсларини баҳолаш халқаро маркази, Осиё тараққиёт банки, Ислом тараққиёт банки, Жаҳон банки, Иқтисодий ҳамкорлик ва тараққиёт ташкилоти, ОПЕК каби тузилмалар ва бошқа халқаро ташкилотлар, молия институтлари раҳбарлари ҳамда вакиллари, ўттизга яқин мамлакатлардан келган олимлар, мутахассислар, экспертлар, экологлар, ишбилармонлар ҳам алоҳида эътироф этдилар.
Акмал СИДДИҚ,
Осиё тараққиёт банкининг атроф-муҳит, табиий ресурслар ва қишлоқ хўжалиги масалалари бўйича департаменти бошлиғи:

Хабарингиз бор, Урганч шаҳрида “Орол денгизи минтақасидаги экологик офат оқибатларини юмшатиш бўйича ҳамкорликни ривожлантириш” мавзуида халқаро конференция юқори савияда ўтказилди. Нуфузли тузилмалар ва халқаро ташкилотлар, молия муассасалари раҳбарлари ҳамда вакиллари, ўттизга яқин мамлакатдан келган олимлар, мутахассислар, экспертлар, экологлар, ишбилармонлар қатнашган мазкур анжуманда билдирилган фикрлар жамоатчилик эътиборида турибди.

Қуйида конференция иштирокчиларидан айримлари билдирган фикрлар билан танишасиз.
Нина ЧХОБАДЗЕ,
Глобал сув ҳамкорлигининг Марказий Осиё давлатлари бўйича минтақавий директори:
— Анжуманда Орол денгизи бир авлод умри давомида ҳалокатли ҳолатга тушиб қолгани қайд этилди. Ушбу муаммо оқибатларини юмшатиш нафақат минтақа ҳаёти, табиати, келажаги, балки бутун дунё ҳамжамияти учун ҳам долзарбдир. Ўзаро ҳамкорликда ҳар қандай масалага ечим топиш мумкин. Сув масалалари бўйича Ўзбекистон билан ўзаро алоқаларимиз изчил ривожланиб бораётганини шу ўринда алоҳида таъкидлашни истардим.

БМТ Бош котиби Пан Ги Мун халқаро донорларни қуриб бораётган Орол денгизи экологик офатини бартараф этишда фаолроқ қатнашишга чақирди.

Пан Ги Мун 28 октябрь куни Ўзбекистоннинг Урганч шаҳрида иш бошлаган “Орол денгизи минтақасидаги экологик офат оқибатларини юмшатиш бўйича ҳамкорликни ривожлантириш” мавзусидаги халқаро конференция иштирокчиларига видеомурожаат йўллади.

“Бугун Орол денгизи буткул йўқ бўлиб кетиш арафасида турибди. Бу йўқотиш Ўзбекистондаги ва ундан ташқаридаги миллионлаб инсонларнинг ҳаётига таъсир кўрсатади”, – деди БМТ Бош котиби. Унинг фикрича, Орол денгизи қуришининг асосий сабабларидан бири сув ресурсларидан нооқилона фойдалишдир.

Пан Ги Мун трансчегаравий сув ресурсларини бошқаришда биринчи навбатда минтақивий ҳамкорликнинг муҳим эканини таъкидлади.

2014 йилнинг 3 ноябрь куни Ўзбекистон экологик ҳаракати  Сирдарё ҳудудий бўлинмасининг Ўзбекистон Республикаси Олий Мажлиси Қонунчилик палатаси депутатлигига номзодлар кўрсатиш ва уларни сайлаш бўйича Экоҳаракат конференциясига делегатлар сайлаш конференцияси бўлиб ўтди.

Конференцияда вилоятнинг барча ҳудудларидан 491 нафар киши иштирок этди. Шуниси эътиборга моликки, иштирокчилар орасида нафақат мамлакатимизда, балки минтақада экологик барқарорликни таъминлашга ўз ҳиссасини қўшаётган фидойилар, атроф-муҳит муҳофазасига, инсон саломатлигини ҳимоялашга, келажак авлод учун қулай атроф табиий муҳит қолдиришни  мақсад қилган эколог олимлар, зиёлилар, табиатни муҳофаза қилиш тизими ходимлари, шифокорлар, экологик таълим-тарбия жонкуярлари, ҳуқуқшунослар, атроф-муҳит муҳофазаси ва соғлиқни сақлаш йўналишидаги нодавлат нотижорат ташкилотлари мутахассислари, умуман кенг жамоатчилик вакилларидан иборат Экоҳаракатнинг устувор мақсад ва вазифаларини ҳаётга татбиқ этишга кўмаклашаётган ҳақиқий фаоллар бор.

Ҳурматли меҳмонлар!

Муҳтарам конференция иштирокчилари!
“Орол денгизи минтақасидаги экологик офат оқибатларини юмшатиш бўйича ҳамкорликни ривожлантириш” халқаро конференциясида иштирок этаётган Оролни қутқариш халқаро жамғармасига аъзо давлатлар делегацияларини, халқаро ташкилотлар ва молия институтлари, донор мамлакатлар ҳукуматлари, экология ташкилотлари, дипломатик корпус вакилларини, таниқли олим ва экспертларни қутлаш менга катта мамнуният бағишлайди.
Мазкур форум Марказий Осиё минтақаси учун энг мураккаб муаммолардан бири — Орол денгизининг экологик ҳалокати ва ушбу офат оқибатида юзага келган аҳоли генофонди ва саломатлиги, турмуш шароити ва даражаси, Оролбўйининг ўсимлик ва ҳайвонот олами билан боғлиқ ўткир муаммоларни кўриб чиқишга бағишланган.
Яқин-яқин вақтларгача Орол денгизи Марказий Осиё иқтисодиётини ривожлантириш, озиқ-овқат ишлаб чиқариш, аҳоли бандлигини таъминлаш ва барқарор ижтимоий инфратузилмани шакллантиришда муҳим ўрин тутар эди. Оролбўйи сув ҳавзаларида йилига 35 минг тоннагача балиқ овланар, Амударё ва Сирдарё дельталаридаги унумдор ерлар, юқори самарали яйлов ва сув ҳавзалари миллионлаб одамларнинг чорвачилик, паррандачилик, балиқчилик ва қишлоқ хўжалиги соҳаларида иш билан бандлигини таъминлар эди.

Вазирлар Маҳкамасининг 2014 йил 27 октябрдаги 298-қарорига мувофиқ, Тошкентда 2014 йил охирига қадар “Махсустранс”нинг қаттиқ маиший чиқиндиларни қабул қилиш бўйича 200та янги шохобчалари қурилади.

Шахобчалар қурилиши учун маҳаллий бюджетнинг қўшимча манбалари ҳисобидан 3,1 миллиард сўм йўналтириш режалаштирилган. Ҳар бир шохобча қурилиши учун эса 15,5 миллион сўм сарфланиши кўзда тутилган.

Мазкур қарорга асосан, Тошкент шаҳар ҳокимлигига қурилиш ишларини мониторинг қилиб бориш ва ажратилган маблағларни мақсадли сарфланишини назорат қилиш вазифаси юклатилган.

Бундан ташқари, компьютерлаштирилган “Биллинг” дастурини такомиллаштириш ҳисобига замонавий ахборот-коммуникация тизимини жорий этиш ва транспорт техникасига масофадан туриб назорат қилиш имконини берувчи автоматлаштирилган тизим (GPS)ни ўрнатиш кўзда тутилган.

2014 йилнинг 31 октябрь куни Ўзбекистон экологик ҳаракати  Қашқадарё ҳудудий бўлинмасининг Ўзбекистон Республикаси Олий Мажлиси Қонунчилик палатаси депутатлигига номзодлар кўрсатиш ва уларни сайлаш бўйича Экоҳаракат конференциясига делегатлар сайлаш конференцияси бўлиб ўтди.

Конференцияда вилоятнинг барча ҳудудларидан 308 нафар киши иштирок этди. Шуниси эътиборга моликки, иштирокчилар орасида нафақат мамлакатимизда, балки минтақада экологик барқарорликни таъминлашга ўз ҳиссасини қўшаётган фидойилар, атроф-муҳит муҳофазасига, инсон саломатлигини ҳимоялашга, келажак авлод учун қулай атроф табиий муҳит қолдиришни  мақсад қилган эколог олимлар, зиёлилар, табиатни муҳофаза қилиш тизими ходимлари, шифокорлар, экологик таълим-тарбия жонкуярлари, ҳуқуқшунослар, атроф-муҳит муҳофазаси ва соғлиқни сақлаш йўналишидаги нодавлат нотижорат ташкилотлари мутахассислари, умуман кенг жамоатчилик вакилларидан иборат Экоҳаракатнинг устувор мақсад ва вазифаларини ҳаётга татбиқ этишга кўмаклашаётган ҳақиқий фаоллар бор.

Маълумот ўрнида таъкидлаш жоизки, 2008 йил 25 декабрда қабул қилинган «Сайлов тўғрисидаги қонун ҳужжатлари такомиллаштирилиши муносабати билан Ўзбекистон Республикасининг айрим қонунларига ўзгартиш ва қўшимчалар киритиш ҳақида»ги Ўзбекистон Республикаси Қонунига кўра ўн бешта депутатлик ўрни ўз сафига кенг жамоатчиликни, мутахассислар, олимлар, шунингдек, шу соҳада фаолият юритаётган нодавлат ташкилотларни бирлаштирган жамоат ташкилоти —Экоҳаракатга ажратилди. Шу тариқа 2009 йил 27 декабрда Олий Мажлис Қонунчилик палатасига бўлиб ўтган сайловларда Экоҳаракатдан 15 нафар депутат сайлаб олиниб, Парламентда Экоҳаракат депутатлари гуруҳи ўз фаолиятини бошлади. Жаҳон парламентаризми тарихида илк бор парламентда Ўзбекистон экологик ҳаракати учун депутатлар ўринларини квоталаш институти жорий этилгани, бутун жамият ва давлат учун, ҳар биримиз учун фавқулодда муҳим бўлган атроф муҳитни муҳофаза қилиш, экологик муамоларни бартараф этиш муаммоларини ҳал этишда парламентнинг ролини оширишда муҳим аҳамият касб этмоқда.


logo_uz

  

Қорақолпоғистон Республикаси

Андижон вилояти

Қашқадарё вилояти

Навоий вилояти

Сирдарё вилояти

Тошкент шаҳар

Бухоро вилояти

Сурхондарё вилояти

Фарғона вилояти

Самарқанд вилояти

Тошкент вилояти

Хоразм вилояти

Наманган вилояти

Жиззах вилояти